dahil ba mahal mo siya?

Bakit pag mahal mo,
kahit ang dami niyang pimples,
tanggap mo?
kahit pinaglumaan na ng panahon ang mga suot niya,
hindi ka nahihiyang kasama siya?
kahit matapat lang yata siya sa exhaust fan, matatangay na siya,
sige ka pa rin?
kahit na parang luya ang mga paa niya,
you find it cute pa?
kahit na parang eskoba ng banyo ang buhok niya,
ikaw pa nagsusuklay?
kahit na pag tumawa siya kita mong durog ang tonsil niya,
tinititigan mo pa?
kahit na sabog-sabog ang kilay niya na parang dinaanan ng world war II
hinahaplos-haplos mo pa?
kahit na parang papel de liha ang kamay niya,
gusto mo pa ring ka-holding hands siya? (pa-sway-sway pa?)
At kahit na parang sing-laki ng red bell pepper ang labi niya,
gusto mo pa rin siyang palaging mahalikan??

Bakit nga ba?
dahil ba mahal mo siya?

Bakit pag mahal mo,
kahit na sinasampal ka na,
kinakasama mo pa rin.
kahit na nahuli mo siyang may ibang babae/lalake,
nagbubulagbulagan ka pa.
kahit na sinabi niyang napilitan lang siyang magpakasal sayo,
umaasa ka pa rin na babalikan ka niya.
kahit na inaaway niya magulang mo,
pinagtatanggol mo pa.
kahit na may anak siya sa sa kabet niya,
kinupkop mo pa.
kahit na wala siyang trabaho,
pinagsisilbihan mo pa.
kahit na lahat ng kasinungalingan alam niya,
patuloy lang na deadma ka.
At kahit na isa siyang serial killer,
pinagtakpan mo pa.

bakit?
dahil ba mahal mo siya?

o dahil masaya ka na kapiling mo siya?
masaya ka na nakikita ang mukha niya pag
gising mo sa umaga;
kuntento ka marinig lang kahit boses niya;
nawawala ang alalahanin mo pag kayakap mo siya;
kinikilig ka sa mga simpleng banat niya ng i love you sa sulat at sa text;
nakukumpleto ang araw mo kapag nakikita mong mga ngiti niya;
nagkaron ng kulay ang malungkot mong buhay
nang dumating siya sa buhay mo;
natuto kang magbago para sa mabuti ng makilala mo siya;
nagkaron ka ng inspirasyon para sa mga pangarap mo;
siya lang ang tanging taong nakakaunawa sa'yo;
napupuno ng halakhak ang kwarto mong dating ikaw lang ang tao;


at higit sa lahat

ang alam mo lang....
tumatakbo sa
utak...
tumitibok sa
puso...

mahal mo siya...
dahil mahal mo siya.